मूळात अनुस्वार हा स्वर आणि व्यंजन दोन्हींचे काम करतो हेच गोंधळाचे आहे. पुन्हा एकदा, देहांत आणि देहान्त - जरी त चा उच्चार दोन्ही शब्दात पूर्णच केला, तरीही देहांत आणि देहान्त मधील आनुनासिक उच्चार हे खूपच वेगळे आहेत. त्यामुळे या दृष्ट्या विचार करता हे दोन्ही शब्द एकाच प्रकारे लिहीणे हे आपण म्हटल्याप्रमाणे समर्थनीय नाहीच. पण दुसऱ्या बाजूने विचार केला, तर देहांत  सारखे आनुनासिक उच्चार प्रचलित मराठीत किती आहेत?  फारच थोडे. त्यामूळे व्यावहारिक दृष्टीने विचार करता, आनुनासिक व्यंजनांऐवजी अनुस्वार ही एक 'कन्व्हिनियंट तडजोड' होऊ शकते, कारण त्यातून अर्थाचा गोंधळ होण्याची शक्यता फार थोडी  किंवा जवळपास नाहीच. 

शासकीय 'शुद्ध लेखनाचा' निर्णयही कदाचीत याच 'व्यावहारिक दृष्टीकोनातून' झाला असेल. पण शासकीय निर्देश तसेही फक्त शासकीय भाषेपुरतेच मर्यादित राहतात, इतरत्र त्याचा अंमल होतोच असे नाही, त्यामूळे त्याची तेवढी चिंता करण्याचे फारसे कारण नाही.