*सुखकर्ता दु:खहर्ता, वार्ता विघ्नांची अर्थ आणि लिरिक्स*

सुखकर्ता दु:खहर्ता, वार्ता विघ्नांची|

नुरवी; पुरवी प्रेम, कृपा जयाची |

सर्वांगी सुंदर, उटी शेंदुराची|

कंठी झळके माळ, मुक्ताफळांची॥१॥

जय देव, जय देव जय मंगलमूर्ती|

दर्शनमात्रे मन कामना पुरती ॥धृ॥

रत्नखचित फरा, तुज गौरीकुमरा|

चंदनाची उटी, कुमकुम केशरा|

हिरेजडित मुकुट, शोभतो बरा|

रुणझुणती नूपुरे, चरणी घागरिया|

लंबोदर पीतांबर, फणिवरबंधना|

सरळ सोंड, वक्रतुंड त्रिनयना|

दास रामाचा, वाट पाहे सदना|

संकटी पावावे, निर्वाणी रक्षावे, सुरवरवंदना|

*सुख+कर्ता*-आनंद/समाधान+रचनाकार; *दु:ख+हर्ता*-दु:ख+हरण करून नेणारा;

*विघ्नांची*-संकट/आपत्ती;

*सर्वांगी*-सर्व अंगावर;

*सुंदर*-आकर्षित/चांगले;

*शेंदुराची*-शेंदुराची;

*कंठी*-पुरुषांच्या गळ्यातील सोन्याचा किंवा मोत्याचा अलंकार;

*माळ*-गळ्यात घातलेला हार;

*मुक्ता+फळांची*-पुष्पक/फुल+फळांची;

*जय मंगल+मूर्ती*-जय शुभ/कल्याण/चांगले+मूर्ती;

*दर्शन+मात्रे*-नजरभेट/पाहणे+निव्वळ/नुसता;

*कामना*-आभिलाषा/आकांशा/इच्छा;

*रत्न+खचित*-रत्न+जडलेला/जडित;

*फरा*-मुकुटाचा मध्यभागी असलेले रत्न;

*गौरीकुमरा*-गणपती चे एक नाव/पार्वती+कुमार;

*चंदनाची*-गंध/लाकूड उगाळून देवास लावण्यासाठी;

*हिरे+जडित*ऱ्हिरे+जडलेला;

*रुणझुणती*-मंजुळ आवाज/मधुर आवाज;

*नूपुरे*-गुंगारू/पैंजण;

*लंबोदर*-गणपती चे एक नाव/लंब+उदर=मोठे पोट;

*पीतांबर*-पिंवळ्या वर्णाच्या रेशमी वस्त्र;

*फणि+वर+बंधना*-नाग+वर+गांठ देणे/न हालेसा करणे;

*वक्रतुंड* -गणपती देवाचे एक नाव/वक्र+तोंड;

*दास रामाचा*-समर्थ रामदास;

*पाहे*-प्रतिक्षा/पाहती;

*संकटी*-अनेक कठीण प्रसंग;

*निर्वाणी*-शेवटचा प्रसंगाकरिता राखून ठेवलेला;

*सुर+वर+वंदना*-देव+वर/पण+नमस्कार करणे;

- *विनोद बोऱ्हाडे आणि नवनाथ बोऱ्हाडे*

सुख आणणारा आणि दुःख दूर करणारा / सुख - समाधान निर्माण करणारा आणि दुःख हरणारा;

वार्ता विघ्नाची (संकट/विघ्न संपवणारा) न उरवणारा व प्रेम पुरवणारा आणि ज्याची आम्हावर कृपा आहे असा.

संपूर्ण अंगावर/शरीरावर शेंदुराचा लेप आहे, गळ्यात सुगंधित फुलांचा कंठीहार झळकत आहे.

हे गणेशा तुझ्या शुभ मुर्तीच्या निव्वळ दर्शन मात्राने सर्व मनोकामना पूर्ण होतात देवा तुझा जयजयकार असो.

अनेक रत्नांनी सजवलेल्या तुला गौरीपुत्रं/पार्वती पुत्राला, कपाळी/भाळी चंदन कुंकु केसर लावून सुशोभित केले आहे.

हिरे असलेला मुकुट शोभत आहे. पायात रुणझुण वाजणारी पैंजण आहेत. आणि चरणांवर घागरी वाहत/अर्पण आहेत

लंबोदर(गणपतीचे एक नाव)/मोठे पोट असलेला, पीतांबर नेसलेला आणि

नागाचे(फनिवर - नागांचा राजा शेषनाग) कमरेला बंधन असलेला/नाग कमरेला बांधून ठेवलेला.

सरळ सोंड किंवा वक्र/वाकडी सोंड असलेला तीन डोळे असलेल्या/त्रिनयन असलेल्या.

मी समर्थ रामदास (आरतीचे रचनाकार/कवी) माझ्या घरी तुझी वाट पाहत आहे/

संकटकाळी धावून यावे आणि निर्वाणी/शेवटपर्यंत कायम रक्षण करावे असा तू जो देवतांना देखील वंदनीय आहे