यास्मिन शेख आणि अरुण फडके यांच्यासारख्या अभ्यासकांनी देखील ५.५ नियमात काही बदल करण्याची आवश्यकता व्यक्त केली आहे. त्याबद्दल येथे वाचता येईल.

http://maparishad.com/node/52

र्‍हस्व-दीर्घासंबंधीचे नियम (नियम ५ ते ८). यांत एकच बदल सुचवावासा वाटतो. तत्सम इ-कारान्त व उ-कारान्त शब्द दीर्घ लिहावेत, विभक्तिप्रत्यय किंवा शब्दयोगी अव्यय लागल्यास ते दीर्घच राहतात; फक्त सामासिक शब्दांत हे शब्द पूर्वपदी आल्यास, ते संस्कृताप्रमाणे र्‍हस्व लिहावेत, असा नियम आहे. ते शब्द सामासिक शब्दांत पूर्वपदीही दीर्घ लिहिल्यास या नियमाचे सुलभीकरण होऊ शकेल. संस्कृतची पार्श्वभूमी नसलेल्या व्यक्तीला, हा बदल केल्यामुळे, सामासिक शब्दलेखन करणे अधिक सोयीस्कर होईल. हाच नियम तत्सम इन्-प्रत्ययान्त (विद्यार्थिन्, पक्षिन्) शब्दाच्या बाबतीतही स्वीकारता येईल. जसे : विद्यार्थी - विद्यार्थीगृह, पक्षी - पक्षीमित्र.

https://tinyurl.com/3cva4sby

मराठीतील सामासिक शब्द पाहिल्यावर समासातील प्रथमपदासाठीही मराठीची प्रकृती दीर्घान्तच दिसते. ‘खडीसाखर, वांगीपोहे (तत्पुरुष); दहीभात, भाऊबहीण (द्वंद्व); मातीमोल, वाळूवजा (बहुव्रीही)’; ह्यांसारखे मराठी सामासिक शब्द सध्या ह्याच नियमानुसार लिहिले जातात. त्यामुळे ‘बुद्धिवैभव, अणुशक्ती’ ह्यांसारखे संस्कृत शब्दही ‘बुद्धीवैभव, अणूशक्ती’ असे मराठीच्या प्रकृतीनसुार लिहिले जातील (जावेत)