हा अधिकार फक्त सरकारी कामकाजाकरीता आहे की खाजगी देखील?

हा अधिकार फक्त सरकारी कामकाजाबद्दलच आहे असे वाटते. आपण सरकाराला कर स्वरूपाने दिलेल्या संपत्तीचा सरकार (त्याचे प्रतिनिधी) कसा वापर करतात हे जाणून घेण्याचा हक्क या मागे आहे.

उदा. मोबाईल कंपनी, क्रेडिट कार्ड कंपनी ह्यांना मी एखाद्या माहितीचा स्रोत मागू शकतो का?

एखाद्या कंपनीचे भागधारक त्या कंपनीच्या व्यवहाराबद्दल प्रश्न विचारू शकतात (वरील न्यायाने).
(अर्थात ग्राहकही विचारू शकतो, पण त्याची उत्तरे द्यायला ते बांधील नसावेत, जसा ग्राहक त्यांची उत्पादने घ्यायला बांधील नाही. त्यांचा हा निर्णय अर्थातच त्यांच्या व्यापारावर परिणाम करेल भाग निराळा.)

म्हणजे जर त्या कंपनीकडे जर माझी माहिती असेल तर ती त्यांना कोठून मिळाली असे मी विचारू शकतो का?

या परिस्थितीत मात्र तुमच्या माहितीवर तुमचा अधिकार असल्याने त्यांनाही माहिती कुठून मिळाली हे पाहणे महत्वाचे आहे. बऱ्याच वेळा अशी माहिती एका कंपनी कडून दुसऱ्या कंपनीकडे  हस्तांतरित केली गेली असण्याची शक्यता असते (आठवा करन बाहरी प्रकरण), तेंव्हा त्या मूळ कंपनीने तुम्हाला 'तुमची ही माहिती इतर उद्देशांसाठी न वापरण्याची' हमी दिली होती का याची खातरजमा करणे महत्वाचे ठरू शकेल.

अर्थातच हे सारे सिद्ध करणे किचकट असून त्या संबंधीच्या कायद्यांबद्दल (माहिती तंत्रज्ञान कायदा २००० ?) तज्ज्ञच माहिती देऊ शकतील.

चू. भू. द्या. घ्या.