असेल याची कल्पनासुद्धा न केली तरच बरे!! "सावज" हा शब्दप्रयोग अतिशय आवडला वरदाताई!! चपखल बसला (किंवा बसवला!! ः)) आहे हा शब्द इकडे!!

--------- धन्यवाद

इमारतींवर जे विद्युतरोधक (की वाहक?) बसवलेले असतात जे इमारतींवर पडणारी वीज जमिनीत वाहून नेतात, ते जर नसतील तर इमारतीला किती नुकसान होऊ शकते? होणारे नुकसान, हे वाढलेले तापमान आणि दाब यांच्यामुळेच होते, की इतरही (या दोघांव्यतिरिक्त आणखीही किंवा ही दोन वगळून)काही कारणे आहेत?

-------- इमारतींवर विद्युतदांडा (electric rod) बसविलेला असतो जो विद्युतवाहक असतो. तो वीज जमीनीकडे वाहून नेतो. तो नसल्यास वीज प्रत्यक्ष इमारतीवर पडून लघुपरिपथ (short circuit) झाल्याप्रमाणे इमारतीस आग लागेल. नुकसान हे तापमान व आग लागल्याने होते. दाबामुळे होत असावे असे वाटत नाही, पण शक्य आहे.

आपल्यापैकी बरेच जण, विजा कडाडत असताना झाडाखाली आडोसा घेऊ नये, असे ऐकत आणि/किंवा ऐकवत आलो आहोत.

----------- मोकळ्या मैदानात तुम्ही वीज पडताना उभे असल्यास वीज तुमच्यावर पडेल (कारण तुम्हीच त्यातल्यात्यात उंच व टोकदार वस्तू (?) असता. झाडाखाली आश्रय न घेण्याचे कारणही तसेच. त्यामुळे अशावेळी जमिनीवर लोळण घ्यावी. झाडाखाली आश्रय घेतला आणि झाडावरच वीज पडली तर झाडाला लागलेल्या आगीत होरपळ होईल.

लेखातील विवेचनावरून "असे का" याची पुसटशी कल्पना येते खरी, पण झाडाखाली उभे असताना झाडावर वीज पडली तर खाली उभे असलेल्या व्यक्तीस कशी काय इजा (प्राणघातक! "इजा" हा अगदीच मिळमिळीत शब्द आहे बहुतेक!!) होते? झाड आणि व्यक्ती मधल्या हवेच्या रेणूंमध्ये वीज पडल्यामुळे होणारे बदल/काही क्रिया याला कारणीभूत असतात का? असल्यास नक्की काय क्रिया होते?

-------- झाडाखाली उभ्या व्यक्तीसही आग लागू शकते. वीज पडताना हवेचे आयनीभवन होत असल्याने व्यक्तीसही विजेचा जोरदार झटका बसेल.