पुण्याचे सुखद लहानसे -टूमदार- स्वरूप पाहता पाहता नष्ट झाले या खंतेने सर्वश्री आदिती आणि सुखदा यांनी [ज्ञानदेवे रचिला पाया कळस झळके वरि तुकयाचा या चालीवर] मांडलेल्या या चर्चेस अवघ्या ३ दिवसात प्रतिसादांची जी वृष्टी झाली आहे त्यावरून पुण्याबद्दलची कळकळ अतिशय प्रभावी रीतीने व्यक्त झाली आहे.
आता लवकरच प्रशासकांची सूचना येईल की इथली प्रतिसादाची (८५?) मर्यादा आल्यामुळे नविन चर्चा चालू करा. तेव्हा या चर्चेचे मुद्दे (गुद्दे वगळून) एकत्र आणून पुढील वाटचालीचा आराखडा मांडण्याचे काम कोणी संयोजकाने (किंवा संयोजक चमूने) करावे असे वाटते.
या कामात (चर्चेत सुसूत्रपणा आणणे आणि त्यातून प्रत्यक्ष कामे करणे) यात मी जितकी होईल तितकी मदत करू शकेन. अर्थात मी प्रत्यक्ष शरिराने अमेरिकेत असल्यामुळे ही मदत तोंडचीच किंवा महाजालामार्फतच होऊ शकेल.
पुण्याबद्दल वाटणाऱ्या आत्मियतेमुळे या.त सहभागी होण्याची खूप ईच्छा आहे.
काही suggestions -(याला पर्यायी शब्द सूचना किंवा सल्ला हे चपखल बसत नाहीत असे वाटले. कोणी सुचविले तर बरे वाटेल)
हे सर्व चटकन मनात आलेले विचार इथे मांडले आहेत.
मी स्वतः पहिली २०-२२ वर्षे पुण्यात काढली. त्यानंतर १५-१६ वर्षे मुंबईमध्ये आणि आता २५ वर्षे परदेशात वास्तव्य आहे.
या काळात पुण्याला ८३, ९०, ९७, २००० साली प्रत्येकी १-२ आठवड्याकरता भेट दिली. दर वेळेला पुण्यात होत चाललेला बदल प्रकर्षाने जाणवला. विशेषतः शेवटच्या दोन भेटीमध्ये वातावरण गुदमरून टाकणारा धूर हा सगळ्यात मोठा धक्का होता. हे वातावरण इतके प्रदूषित होऊ देणे हे criminal आहे असे वाटते. त्यासाठी सर्व थरातून मोठ्याप्रमाणावर उठाव झाला पाहिजे.
बरे हा प्रतिसाद इथे आवरता घेतो.
(व्यथित माजी पुणेकर) सुभाष
श्री. शशांक - आपण ब्राव्हो बद्दलची चर्चा उध्धरित केल्याबद्दल आपले विशेष आभार.