परीक्षित,<BR><BR>तुमची सूचना खूपच छान आहे, तशी मी ती आता अवलंबण्याचंही ठरवलं आहे. तिचा निबंध थोडा मोठा ( माझीच बहिण आहे ना ती ! ) असल्याने मला तो टायपून काढायला थोडा वेळ लागणार आहे, ते झालं की मी तो पीडीएफ स्वरुपात सर्वांना पाठवेनच. <BR><BR>ही गोष्ट माझ्याही लक्षात आली होती की सॉफ्ट कॉपीज जास्त लवकर प्रसारीत होऊ शकतात, पण मुद्रीतच स्वरूपात प्रकाशित करण्यामागे उद्देश हा होता-आहे की&nbsp;त्या दैनिकाची / साप्ताहिकाची / पाक्षिकाची / मासिकाची इ.इ. एकेक प्रत मी तिला परत पाठवू शकेन. ती जिथे रहाते तिथे आंतरजाल वगैरे गोष्टी तितक्याशा सहजी उपलब्ध नाहीत,&nbsp;त्यामुळे ती स्वतः असं काही प्रसारीत करू शकत नाही. दर वेळेस ती लिहील आणि मी प्रसारीत करेन, ही गोष्ट मला नको आहे. ( मी ते अगदी आनंदाने करेन, पण कोणालाही कुठल्याही गोष्टीसाठी कोणावर विसंबून रहावे लागणे मला अजिबात आवडत नाही. )&nbsp;छापील स्वरूपात तिला&nbsp;सदरहू लेखन मिळाल्यास तिचा हुरूप वाढेल आणि&nbsp;मी तिला पत्तेही दिल्यास ती स्वतः&nbsp;तिथे तिचं साहित्य तिच्याच हस्ताक्षरात पाठवू शकेल. <BR><BR>खरं सांगायचं तर अगदी खूप मनापासून एकच इच्छा आहे की, तिचं अगोदरच प्रसिद्ध झालेलं लेखन अभिमानाने सर्वांना दाखवून मला म्हणायचंय की मी हिची बहिण आहे ना की मी स्वतः&nbsp;सर्वांना तिचं अप्रसिद्ध साहित्य पाठवून म्हणावं की ही माझी बहिण आहे !