श्रीयुत भाऊ,

तुम्ही फार चांगला उपक्रम हाती घेतला आहे.

एकुणांत ४२ गुणिले ४२ इतकी जोडाक्षरे शक्य आहेत.

क ख ग घ ङ
च छ ज झ ञ
ट ठ ड ढ ण
त थ द ध न
प फ ब भ म
य र ल व श ष
स ह ळ

एवढी ३४ च व्यंजने मला सापडली. त्यामुळे ३४ गुणिले ३४ मधून शोध घ्यावा लागेल असे मला वाटते. त्यातही

• क् + ग = ग्ग होतो. तसेच क् + ज = ग्ज, क् + ड = ग्ड, क् + द = ग्द, क् + ब = ग्ब. त्याप्रमाणे क् + घ = ग्घ, ख् + घ = घ्घ इत्यादी.
• सम् + कीर्तन = सङ्कीर्तन (संकीर्तन) म्हणजे म् + क = ङ्क, तसेच ञ् + क = ङ्क, ण् + क = ङ्क, न् + क = ङ्क. सानुनासिक व्यंजनाला जोडून दुसरे व्यंजन येते तेंव्हा त्याची सन्धी (संधी) त्याच्या वर्गातील सानुनासिकात होते इत्यादी.

अश्या रीतीने ३४ गुणिले ३४ पैकी अनेक शक्यता रहित होत जातात. तरीही उरलेल्या शक्यतांमधून जोडाक्षरे शोधून काढणे हा खेळ नक्कीच रोचक आहे.