• सूचनाः दरवाज्यामधे थांबून गप्पागोष्टी करू नये, ही जागा व्यवसायाची आहे  
  चर्चा करण्याचा हॉल नाही - व्यवस्थापक
• " हे कार्यालय आहे. आत पाहण्यासारखे काही नाही. आत येऊ नये"
• फक्त सायकलींसाठी
  एका ओळीत दोनच
  (फक्त सभासदांसाठी)
• मित्रमंडळ सभागृह पुणे
• विवाहाच्या दिवशी सभागृह पूर्णपणे १००% सायं ५ वाजता रिकामे करावेच 
  लागते. याची जाणीव ठेवूनच सभागृह बुक करावे
• केटरिंग सर्व्हिस रात्री १०.०० ला बंद करावी लागते.

इतक्या स्पष्ट सूचनांची पुण्यात नितांत गरज भासते असे आढळून आले आहे. रस्त्याच्या मध्यभागी उभे राहून गप्पा मारणे, दुकानांच्या पाट्या निरखणे, इत्यादी उद्योग पुणेकर जन्मसिद्ध हक्काने करतात. हॉर्न वाजविल्याखेरीज अजिबात बाजूला होत नाहीत. हॉर्न वाजविल्यावरही 'काय हा मेला वाहनांचा त्रास! रस्त्याच्या मध्यभागीही धड उभे राहू देत नाहीत.' असा, वाहन चालकावर, दृष्टिक्षेप टाकून मोठ्या मुश्किलीने (सावकाऽऽऽश) बाजूला होतात. वाहनचालकाला (तो पुण्यात मुरलेला नसेल तर) मेल्याहून मेल्यासारखे होते.