काय एक एक गुणगान चाललेलं आहे!
अहो दोषांकडे डोळेझाक करून नुसते गुणच लिहायचे असे ठरवले ना तर कोणाचेही गुण लिहिता येतात. उद्या कोणी उठून हिटलरचेसुद्धा गुण लिहून दाखवेल! अरे बापरे, उद्या कशाला, तुम्ही ते आजच केलेत की.
अर्धवट व एककल्ली वाचन, एकूणच असहिष्णुतेची आवड, आणि जोवर आपल्याला काही त्रास होत नाही तोवर सगळे जग नष्ट झाले तरी चालेल अशी मानसिकता या गोष्टी मला या चर्चेत सतत दिसत आहेत (प्रतिसादाचा हा भाग एकट्या तुम्हाला नाही, या चर्चेतील हिटलरच्या सर्व भाटांना आहे)
आता आपल्या काही मुद्द्यांचा परामर्शः
हिटलर आयुष्यात फक्त दोनदाच रडला. एकदा त्याची आइ गेली तेव्हा आणि दुसऱ्यांदा वर्साय चा तह झाला तेव्हा.
म्हणून तो श्रेष्ठ?? मी त्याला निष्ठुर म्हणेन फार तर. इथे माझे डोळे रस्त्यावर मेलेलं मांजर बघितलं तरी थोडे पाणावतात. न रडणं हा गुण कसा ते काही समजले नाही बुवा.
हिटलर सत्तेवर आला तेव्हा जर्मनीची सामाजीक, आर्थिक व राजकिय परीस्थिती
काय होती, बेकारी व मंदी किती भयानक होती, डॉलरः डॉइश मार्क हा विनिमय दर
किती होता हे एकदा वाचा.
परिस्थिती आम्ही बऱ्याच वेळा वाचली आहे. तुम्ही जरा हिटलर सत्तेवरून गेला तेंव्हाची परिस्थिती वाचा. ती आणखी वाईट होती आणि ती हिटलरनी आणली होती.
गुलाम जर्मनीने लढाउ जहाजे बांधायची नाहीत हे बंधन असताना बिस्मार्क,
ग्राप्फ़ स्पी उभ्या राहील्या त्या हिटलरमुळे. याला म्हणतात कणखर नेतृत्व
आणि दूरदृष्टी
आणि त्या बुडल्याही त्याच्याचमुळे!
जर्मनीचे सैन्य पोलंडमध्ये गुंतले होते, ... याला म्हणतात अचूक व्युहरचना आणि दरारा.
नाही हो, त्याचे कारण वेगळे होते. हा आश्चर्याच्या धक्क्याचा फायदा होता. दोस्तांची तयारीच नव्हती अजून लढण्याची.
.... हे सगळे शक्य झाले ते हिटलरने रोमेलवर सोपवलेल्या विश्वस्त जबाबदारीने. याला म्हणतात माणसे घडवणे.
त्याच रोमेलने हिटलरला मारण्याच्या कटात भाग घेतला. त्याच रोमेलचा शेवट कसा झाला हे आपल्याला माहीत असेलच.
आपल्या राष्ट्रध्वजाला खांद्यावर घेउन हसत मरायला लाखो तरूण खुशीने तयार झाले
ते सगळ्याच देशांचे झाले हो. इंग्लंडमध्ये हिटलर नव्हता तिथलेही झाले, अमेरिकेत नव्हता तिथलेही झाले, फार दूर कशाला, भारतातलेही झाले. उगीच कसलेही श्रेय कोणालाही द्यायचे म्हणजे काय?
जर्मनीला मान खाली घालावी लागली ती त्या देशात झालेल्या मानवी संहारामुळे (नैतिक)
जो हिटलरच्या आज्ञेमुळे झाला.
आणि पराभवामुळे
जो सुद्धा हिटलरच्या चुकीच्या रणनीतीमुळे झाला. तेंव्हा जर्मनीला मान खाली घालावी लागली ती हिटलरमुळेच.
भारतात हिटलर हवा म्हणणाऱ्यांना उत्तर वेगळ्या प्रतिसादातून वेळ मिळाला तर देईन.
आपला (हतबुद्ध) इहलोकी.