सर्वसाक्षी, अगदी मनातलं बोललात.

आपण जरा 'वरच्या वर्तुळात' वावरतो हे दाखवण्यासाठी बहुधा अनेकांना मराठी वर्ड्स रिमेंबर न होणे वा मराठीतुन फिलींग्स एक्स्प्रेस न करता येणे आवश्यक वाटू लागले. इंग्रजी माध्यमाच्या शाळा, अमराठी मित्रमंडळींचे वाढते प्रमाण, मराठी साहित्यावरील आक्रमण, मराठी लोकांची अतिसहिष्णुता (हिंदीला नको इतकी सलगी) या अनेक कारणांमुळे अनेक शब्द हद्दपार झाले आहेत.

अगदी बरोबर. परवा फुटबॉल विश्वचषकाविषयी बोलताना मी 'टीम'ऐवजी 'संघ' हा शब्द वापरला तर माझा एक मित्र हसायला लागला. 'अरे, तू तर अगदी शुद्ध मराठी बोलतोयस राव' हे त्याचं वाक्य.

कुणी मराठीचा अट्टाहास केलाच तर त्याला कूपमंडूक वा असहिष्णूतेचा टीळा लागतो आहे.

आणि जुनेपणाचा/मागासलेपणाचाही . माझ्या कार्यालयातील दोन मराठी मुले नेहमी एकमेकांशी हिंदीत (कार्यालयात हिंदीभाषिकांचे प्रमाण नगण्य असूनही) का बोलतात हे मला आजपर्यंत न उलगडलेले कोडे आहे.

परिस्थिती अवघड आहे खरी !

एक वात्रट