त्यामुळे लग्नानंतरचा जो एकमेकांना ओळखण्याचा, एकमेकांच्या वृत्ती, आवड, निवड, स्वभाव, विचार करण्याच्या पद्धती, आणि कुठल्याही गोष्टीवर रीऍक्ट होण्याच्या पद्धती या गोष्टी जाणून घेण्याचा काळ कमी होतो

आणि तुम्ही डोक्यावर अक्षता पडल्यावर ताबडतोब एका मॅच्युअर आणि १००% परस्पर सामंजस्य असलेल्या, एकमेकांविषयी खूप ओढ आणि आपुलकी निर्माण झालेल्या नात्यामध्ये प्रवेश करता.

ही घरात रमेल की नाही,

माझ्याशी एकरूप होईल की नाही,

पूर्णपणे अनोळखी लोकांमध्ये मिसळून जायचं, त्यांना आपलं मानायचं, त्यांची सुख-दुःखे आपली जाणायची, सासू-सासरे काही बोलले तर निमूटपणे ऐकून घ्यायचं, त्यांच्यात आपली चांगली प्रतिमा निर्माण करण्याचा सदोदित प्रयत्न करत बसायचा