येथे कोणाचे तैसे कोणाविण काही अडते
हो, घुटमळते क्षण काही, पण पुढेच पाउल पडते

पहिली ओळ अपूर्ण. कोठे शब्द आवश्यक. पाउल चूक. त्यामुळे शेर ख़ारीज ठरतो. नाहीतर शेर छान.

झालाच सराव मलाही तू नसताना जगण्याचा
मन कणाकणाने मरते, पण त्याने कुठे बिघडते?

छान.

आतातर आठवणीही भासतात परक्या साऱ्या
आल्याच कधी सामोऱ्या, तर पाहुन मी गडबडते

पाहुन चूक. त्यामुळे शेर ख़ारीज ठरतो. नाहीतर छान.

दिस उजाडती, मावळती.. जणु रहाटगाडे फिरते
चालते ह्रदय, सवयीने श्वासांची लड उलगडते

रहाटगाडे की रहाटगाडगे? रहाटगाडगे, सवयीने चालते वगैरे चांगले आहे पण श्वासांच्या लडीचा संबंध लागत नाही बुवा.

डोळ्यांत कोरड्या माझ्या डोकावुन रात्र परतता
चुरगळते चादर थोडी, अन उशी जराशी रडते..

डोकावुन चूक. त्यामुळे शेर ख़ारीज ठरतो. नाहीतर शेर छान आहे.

पण एकंदर त्या बायकी अष्टाक्षऱ्यांपेक्षा ही गझल खूप चांगली आहे बुवा.