जे.पी.मॉर्गन राव(!),

बरोबर आहे तुमचं म्हणणं...

आपल्या कुवतीप्रमाणे आपण करत राहायचं. पण तुमच्या या मराठी प्रेमामध्ये मला काही विरोधाभास असलेल्या गोष्टी आढळल्या, त्या अशा-

(१) तुम्ही मनोगत वर वापरत असलेलं नाव - तुम्ही ज.प.मॉर्गन असं सुद्धा वापरू शकला असतात. अर्थात तो पूर्णतः तुमचा वैयक्तिक प्रश्न आहे.
(२) तुमच्या चर्चाप्रस्तावातच तुम्ही काही असे इंग्रजी शब्द वापरले आहेत ज्यांच्या साठी मराठी प्रतिशब्द वापरणं सहज शक्य होतं. उदाहरणार्थ-

ऑफिस - कार्यालय
ट्रॅफिक - रहदारी
पार्टी - मेजवानी
फ़्लाँट - प्रदर्शन

बाकी, "ज्यांना मराठी समजतं त्यांच्याशी मराठीतच बोलतो" याच्याशी सहमत.

मी मुंबईत राहतो. इथे हल्ली मराठी बोलणारे फार कमी भेटतात. किंबहुना, इथे दोन मराठी माणसे (अनोळखी) रस्त्यात भेटली तरी संवादाची सुरुवात इंग्रजी किंवा हिंदीतून होते. मी मात्र माझ्या परीने जास्तीत जास्त मराठी बोलण्याचा प्रयत्न करतो. कोणत्याही दुकानात किंवा इतरही कुठे सार्वजनिक ठिकाणी मी कटाक्षाने मराठीनेच सुरुवात करतो. समोरच्याला मराठी येते की नाही ते त्याच्या प्रतिसादावरून कळेलच की!

असो. चर्चाविषय आवडला!

योगेश.