लोण्याचे तूप करायची कृति रोहिणीताईंनी छानच दिली आहे. काही माझ्या अनुभवाच्या टीपा
- लोणी शक्यतो आधी बाहेर पातेल्यात काढून मऊ होऊ द्यावे. शीतकपाटातून २ तास बाहेर ठेवले तरी चालेल.
- आंच मध्यमच ठेवावी. नाही तर लोणी भांड्याच्या काही भागाला चिकटून करपू लागते.
- वर सांगितल्याप्रमाणे पिवळे होऊन लोण्याचे पूर्ण तुपात परिवर्तन झाले की लगेच ते भांडे/पातेले पाणी भरलेल्या दुसऱ्या परातीत किंवा पसरट भांड्यात पाणी घेऊन तुपाच्या भांड्याचे बूड त्वरित गार करावे. नाही तर आचेवरील ऊष्णतेने झालेले तूप जळून/करपून काळे होते.
कलोअ,
सुभाष