चित्त,
तुम्ही माझ्या गझलेची जी साक्षेपी समीक्षा केली आहेत त्याबद्दल मनःपूर्वक आभार.
वसंत यावा उधाण देही
अजाणता मोहरून जावे
वरच्या ओळीत वसंत यावा
आणि देही उधाण यावे असे कवयित्रीला म्हणायचे असावे. थोडक्यात वरच्या ओळीत
स्पष्टता नाही. दोन्ही गोष्टी एकत्र करण्यात सहजता कमी झाली आहे, असे
वाटते. न ख़ुदा मिला न विसाले-सनम, न इधरके रहे न उधरके रहे असे काहीसे.
तसेच अजाणता मोहरून जावे चे वरच्या ओळीशी कनेक्शन जरा कमकुवत आहे.
हळूच यावा वसंत गाली'
अजाणता/हळूच मी मोहरून जावे
असे काहीसे माझ्या मनात आले होते. अर्थात ही सुचवणी केवळ कल्पना देण्यासाठी.
हि द्विपदी प्रथम मला
अजाण देही वसंत यावा
अजाणता मोहरून जावे
अशी सुचली होती. 'वसंत यावा उधाण देही' हा बदल नंतर सुचला. इथे 'वसंत यावा आणि देही उधाण यावे' असे म्हणायचे नसून देही वसंताचे उधाण यावे असे म्हणायचे. तुमची टिप्पणी वाचल्यानंतर प्रथम सुचलेली ओळच वापरायला हवी होती का ह्याचा विचार करीत आहे. तुमचे मत जाणून घ्यायला आवडेल.
तुमच्या इतर मतांचा सध्या विचार करते आहे. त्यांच्या अनुषंगाने काही बदल सुचले तर कळवीन व त्यावर तुमचे मत घेईन.मात्र तुम्ही म्हटल्याप्रमाणे छोट्या बहरात बंधने अनेक असतात. सर्व काही हवे तसे सांगता येईलच असे नाही. असो.
तुमच्या सुचनांबद्दल पुन्हा एकदा आभार.
क. लो. अ.
मृण्मयी