ह्या कवितेमधील नाजूकतेची कल्पना तुमच्या मनालाही भावते का बघा -

नाजूकता ऐसी कुणी पाहिली नाही कधी

नजरही आम्ही तिच्यावर टाकली नाही कधी

भय आम्हा नाजूकतेचे हेच होते वाटले

भारही नजरेतला ह्या सोसेल नव्हते वाटले

टाकिसी हळूवार अपुली नाजूक इतकी पाऊले

टपकती हलकेच जैसी पारिजाताची फुले

नाजूकता जाणून आम्ही आधीच होती बिछविली

पायातळी केव्हाच तुझिया विकल ह्रदये आपुली

इतुका तरी हा स्पर्श हृदया होईल होते वाटले

इतुके तरी सद्भाग्य उदया येईल होते वाटले

कल्पना नाजूकतेची आम्हासही नव्हती कधी

गेली आम्हा तुडवून, आम्हा कळलेच ना गेली कधी