१. वैविध्य व विविधता,
विविधता- विविध शब्दपासून होणारे हे शब्दसाधित भाववाचक नाम आहे.
ही दोन्ही भाववाचक नामे आहेत. त्यांचा उपयोग एखाद्या वाक्यात त्याच अर्थाने एकाच प्रकारे केला जाऊ शकतो.

रंगांमध्ये वैविध्य आढळते.

रंगामध्ये विविधता आढळते.

२. ऐक्य आणि एकता- भाववाचक नामे आहेत.  एकता- तद्धित/ शब्दसाधित आहे.

त्यांच्यामध्ये एकता आहे.
त्यांच्यामध्ये ऐक्य आहे.

३. काव्य, कविता ही नामे आहेत. कविता हा शब्द तद्धित सुद्धा आहे. पण कविता हे सामान्यनाम आहे.
कवि- कविता 
त्याने काव्य रचले.
त्याने  कविता रचली.
ही पहा, कविता आली. (येथे कविता हे मुलीचे विशेषनाम आहे)

४. साम्य , समता दोन्ही भाववाचक नामे आहेत.
सम पासून तयार होणारे तद्धित हे समता.

त्या दोघांमध्ये काय साम्य आहे?
तुमच्या वागण्यात समता असावी. 

मराठीत असे दिसून येते की सामान्यनामे, विशेषनामे व भाववाचक नामे एकमेकांचे कार्य करतात. तसेच विशेषणे, अव्यये, व धातूसाधिते ह्यांचा उपयोग नामांसारखा होतो.