मलातरी हा लेख आवडला.

सर्वसाक्षी यांच्या भाषेंत कुठेही बिभत्सपणा जाणवत नाही आहे.

संजोपराव यांनी केलेले समर्थन पटण्यासारखे आहे. कुठल्याही वाक्याचा अर्थ हा परिस्थितीनुसार आणि म्हणणाऱ्याच्या इंटेशननुसार बदलत असतो. त्यामुळे "वेळ पडल्यास" चा अर्थ बीभत्स किंवा अश्लीलच घ्यायला पाहिजे असं नाही.

साध्यासुध्या विनोदी लेखनात एखाद्या पुरूषाने एखाद्या बाईविषयी , तिच्या दिसण्याविषयी, पेहरावाविषयी (किंवा बाईने पुरुषाविषयी)लिहीले की त्याला लैंगिकतेचा स्पर्श असलाच पाहिजे असे नाही.

अत्यानंद यांनी पु. ल. यांचे दिलेले उदाहरणही असेच आहे. यातून पु. ल. बेशरम होते असा अर्थ कुणी काढला तर चुकीचे ठरवले जावे.

मला वाटतं , या लेखाला "आवडला" अशा प्रतिक्रीया ज्या स्त्रीवाचकांकडुन आल्या त्या स्त्रियाही समाजात मिसळतात आणि लोकांचे बरेवाईट अनुभव त्यांनीही घेतले आहेतच. त्यांना हा लेख सुंदर वाटला याचा अर्थ यात अतिआक्षेपार्ह असे काही नसावे.

सर्कीटरावांना यातील "छबकडी" या शब्दाचा बहुदा राग आलेला दिसतो. "गुलछबु" वैगेरे शब्दांना जी झाक असते तसा काहीसा अर्थ घेतल्याने आला असेल. पण छबु, छबकडि इ. शब्द गोड मुलगी अशा अर्थाने पण वापरला जातो. "उडत्या तबकड्या" या शब्दावरून "उडत्या छबकड्या" हा मजेशीर प्रयोग केला आहे.

आणि या सर्व लेखाला आक्षेप घेणाऱ्यांनी "भारतीय सरकारी विमानकंपन्याच्या मानाने खाजगी विमान कंपन्यांच्या हवाईसुंदरी आपल्याला आवडतात की नाही" हे स्वतःलाच विचारून बघावं.

"हवाईसुंदरी " या शब्दातच तिने आकर्शक दिसावं, छान बोलावं हे अपेक्षित असतं.अन्यथा एविएशन ऍकॅडमीत एअर हॉस्टेसचा अभ्यासक्रम निवडण्यापूर्वी "प्लेजंट पर्सनॅलिटी" हा निकष राहिला नसता.

राहिली गोष्ट काही आदिकी मनोवृत्तिच्या माणसांची! काही विकृत माणसे जळी , स्थळी , आकाशी आपल्या मूळ स्वभावाप्रमाणेच वागणार आणि विकृतपणा करणारच. पण काही लोकांना जमिनीपासून उंचावर गेल्यानंतर वातावरणातील वायुचा दाब, ऑक्सिजनचे प्रमाण आणि उंचीची सतत जाणीव यामुळे न्युरोह्युमोरल(चेतासंस्था आणि अंतस्त्राव यांतील )बदलांमुळे तात्पुरत्या स्वरूपाची शारीरीक आणि  मानसिक विकृती निर्माण होऊ शकते असे वैद्यकीय संशोधनाने सिद्ध झाले आहे.