लेख ज्या चष्म्यातून लिहिला आहे त्याप्रमाणे चांगला झाला आहे. मी फक्त विनोद म्हणूनच त्याकडे पाहिले. पण येथील प्रतिसाद वाचून काही सांगावेसे वाटते. 

 स्त्रियांना विरंगुळा समजण्याचे दिवस राहिले नाहीत...हवाई सुंदरी अथवा कोणत्याही स्वागतकक्षात काम करणाऱ्या स्त्रिया/ पुरुष विरंगुळा नाहीत. त्यांचे हासून बोलणे, हासणे यात एक औपचारिकता आहे, तीच असावी. आपल्या व्यवसायाशी संबंधित व्यक्तीशी यापेक्षा कोणतीही अधिक जवळिक साधणे अपेक्षित नाही, तसे होतही नाही, त्यांचे अगत्यपूर्ण वागणे पाहून लोकांनी करून घेतलेले गैरसमज यामुळे बडे बडे अडचडीत सापडले आहेत.  त्यांच्या स्मितातून, हालचालीतून निव्वळ औपचारिकता यापेक्षा अधिक काही सांगायचे नाही अथवा अर्थ काढणे अपेक्षितही नाही. बातम्या देताना ज्याप्रकारे स्वागत करुन पुढील कडू गोड बातम्या चेहऱ्यावरील रेष न बदलू देता  देणे अपेक्षित आहे तसेच यासर्व व्यवस्थापनात आहे. लोकांच्या चुकीच्या दृष्टीकोनामुळे हवाई सुंदरी हे क्षेत्र कित्येक मुली निवडत नसत हे सुद्धा विसरून चालणार नाही.

हवाई सुंदरी हाच शब्द योग्य आहे, आपल्या लेखात सुस्मिता हा सुद्धा एक सुंदर शब्द आहे. घरातील लहान मुलीला छबू म्हणणे वेगळे पण हवाई सुंदरीला फटाकडी सारखा छबकडी शब्द खटकला.

संकटकाळी घाबरगुंडी उडणे स्वाभाविक आहे, तेव्हा मोक्याचे दार ,हवाईसुंदरी  सोडा पण आपली कागदपत्रे उचलली तरी खूप मोठे काम केले अशी वेळ असते, ती आपल्यावर कोणत्याही विमानप्रवासात येऊ नये.  पण केवळ विनोदनिर्मितीसाठी लेखन करतांना एखाद्या विषयाविषयी गैरसमज निर्माण होणार नाही असे लेखन  करणे हे लेखकाचे कर्तव्य असावे असे वाटते. पु. ल च्या अपुर्वाई मध्ये हवाई सुंदरी किंवा रस्त्यावरचा पोलीस ह्यावर असणारे विनोद आठवा, ते कोठेही गैरसमज निर्माण करत नाहीत.