रविवार दुपारची वेळ. वीणा स्वयंपाकघरात दुपारचा चहा करत होती. एवढ्यात सुरेंद्र डोकावला. "आणते रे मी चहा, थांब जरा ५ मिनिट, दूध गरम होतंय"
"स्मिता आलीय, तिचा पण कर चहा" म्हणून सुरेंद्र परत हॉल मधे गेला. बायकोच्या स्वयंपाकघरात डोकावणे हे सुरेंद्रचे आवडते काम, वीणाला माहितच होते ते.
"काय ग स्मिता, अचानक दुपारी कशी काय आलीस. सगळं ठीक आहे ना?" वीणाने विचारले.
"आधी चहा घेऊ मग बोलूया का आपण" सुरेंद्रने मधेच थोडासा व्यत्यय आणला.
