काहीच्या काही दिवस....
बाईपणाच्या वेशीवर असल्यासारखा वागणारा एखादा दिवस
मर्दपणाच्या बेहोषीत जगणारा एखादा दिवस
सावल्या ताणत, चढत चढत जाणारा एखादा दिवस
अर्धांग झटकत, अर्धांग आळसावत कामावर जाणारा एखादा दिवस
प्रहरचे प्रहर फ़क्त वाट बघणारा एखादा दिवस
अर्धमिटल्या डोळ्यात संभोगाची एखादी आठवण रिचवणारा दिवस
बेरजा-वजाबाक्या करणारा एखादा मध्यमवयीन दिवस
मातीने अंग भरुन घेणारा एखादा लहानसा दिवस
उजाडताच प्रश्न विचारणारा एखादा दिवस
उजाडताच झोपी जाणारा एखादा दिवस
काहीच्या काही दिवस....
