तांदुळ धुवून त्यात पाच वाट्या पाणी घालुन ठेवावे. ( मी साधारण अडिच पट पाणी घेते.) नंतर एका मोठ्या पातेल्यात तूप घालावे. ते तापल्यावर त्याच्यात जिरं , मिरच्यांचे तुकडे घालवेत. मिरच्या जरा पांढरट दिसायला लागल्या की त्यात कांदा घालून परतावं. कांदा गुलाबी रंगावर परतल्यावर त्याच्यात गाजराचे तुकडे, चिरलेली सिमला मिरची घालावी. एकदा झाकण ठेवून वाफ काढावी. नंतर तांदुळ पाण्यासकट फोडणीत घालावे. एकदा चांगले ढवळून गॅस थोडा मोठा करावा. चवीपुरते मीठ घालावे. एकदा उकळी आली की वाफवलेले मटार आणि मक्याचे दाणे घालावे. चवीपुरती साखर घालावी. एकदा चांगल ढवळून घ्यावं. पाण्याची चव बघून मिठ वगैरे हव असल्यास घालव. नंतर पाणी आटत आले की गॅस मंद करून पातेल्याच्या खाली जाड तवा ठेवावा. पातेल्यावर झाकण ठेवून ५-७ मिनिट शिजू द्याव. मग गॅस बंद करून टाकावा. जरा वेळाने झाकण काढून गरम गरम भात , बरोबर टॉमेटोच सार मस्त पापड घेवून जेवायला बसाव.....!
गरम टॉमेटो साराबरोबर मस्त लागतो हा भात.. मटार आणि मक्याचे दाणे वाफवलेले असतात म्हणून ते नंतर घालावेत. शक्यतो पिवळे मक्याचे दाणे वापरावेत.
पाकप्रयोग म्हणा हव तर!!
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.