थालिपीठाच्या भाजणीत चवीप्रमाणे तिखट व मीठ घाला. लसूण पाकळ्या थोड्या ठेचून घाला. वडे थापण्यासाठी पीठ थोडेसे सैलसर भिजवा. नंतर लगेच प्लॅस्टीकच्या कागदावर वडे थापून तळावे. वडे थापायच्या आधी प्लॅस्टीकच्या कागदाला थोडे तेल लावा. शिवाय वडे थापताना पण हाताला थोडे तेल लावून थापावे. वडे तळण्यासाठी तेल आधी व्यवस्थित तापून घेणे आवश्यक आहे. भिजवलेल्या पीठाचा एक गोळा घेवून  एकसारखे व कडेने पातळ थापणे, म्हणजे वडे फुगतात पुरीसारखे आणि खुसखुशीत होतात.