प्रथम कणकेमध्ये तिखट, मीठ, हळद व तेलाचे मोहन घालून पीठ घट्ट भिजवावे. हे पीठ अर्धा तास

झाकून ठेवावे.

थोड्या तेलाची फोडणी करून त्यात मटार घालावा. वर पाण्याचे झाकण ठेवावे.

खोबर, कोथिंबीर, मिरची व मीठ एकत्र वाटून घ्यावे. खसखस जरा भाजून वाटून घ्यावी.

मटार शिजल्यावर सर्व वाटण त्यात घालून छान परतावे. झाकण ठेवून एक वाफ आणावी.

नंतर कढई खाली उतरवून, अर्धा चमचा साखर घालून सारण गार होऊ द्यावे. थोडे गार

झाल्यावर कणकेच्या बेताच्या आकाराच्या पुर्या लाटून त्यात मटाराचे सारण भरून करन्ज्या

कराव्यात. तापलेल्या तेलात तळाव्यात.