पूर्व तयारी : खाण्यापूर्वी तासभर आधी
अंडी मधोमध आडवे कापून ४ अंड्यांचे ८ भाग करून बाजूला ठेवावेत.
उकडलेला बटाटा बारीक किसणीवर कापून घेणे.

क्रमवार मार्गदर्शन:
किसलेला बटाट्यात  टोस्टचा चुरा, आलं लसणाची पेस्ट, मिरचीची पेस्ट, मीठ व कोथिंबीर एकजीव होईपर्यंत चांगले घट्ट मळून घ्यावे. मळताना हालाला थोडे तेल लावावे.
तयार पीठाचे लाडवा एवढे गोळे करून घ्यावेत. ह्याच गोळ्यांना वाटी सारखा आकार द्यावा.
ह्या पीठाच्या वाटीत मधोमध आडवे कापलेले अंडे ठेउन अलगद हाताने वाटीचे तोंड बंद करावे.
हलक्या हातांनी दोन्ही तळहातावर दाब देत  किंचीत चपटा आकार द्यावा. जास्त दाब देउ नये.
तयार पॅटीस तासभर फ्रिज मध्ये ठेवावीत.

तासभरानंतर फ्रिज मधून काढून नॉनस्टीक तव्यावर तेल टाकून गुलाबी रंग येई पर्यंत परतून घ्यावीत.

गरम गरम टमाटो सॉस / चीली सॉस बरोबर वाढावीत.