काही क्षण सुखाचे, काही क्षण दुःखाचे

काही क्षण क्षणिक, काही अगणिक

काही क्षणांनी जीवन फ़ुलविले, 

काही क्षणांनी सुख विसरविले

-

काही क्षण आहेत अनमोल,

काही क्षण कवडीमोल

क्षणासाठी आम्ही तुम्ही, तुम्ही आम्ही

काही क्षणांत कोण तुम्ही कोण आम्ही

-

काही क्षणांनी दिला आठवणींना उजाळा

काही क्षणांनी दिला भविष्याचा निर्वाळा

काही क्षणांनी मन सुखविले

काही क्षणांनी हृदय हेलाविले

-

क्षणामध्ये होत्याचे नव्हते

क्षणात कुठून तरी आर्वतले

क्षणात आले क्षणात गेले

क्षणात उरले क्षणात संपले

-

क्षण असेच सरायचे

आयुष्य असेच संपायचे

क्षणांची ठेवावी थोडीतरी किंमत

गेलेले क्षण येत नाहीत परत

--अतुल काळदंते