पनीर व मक्याची कणसे किसून घ्यावीत. कांदा, टोमॅटो, कोथिंबीर, पूदिना अगदी बारीक चिरून घ्यावेत. पॅनमध्ये तेल तापवून त्यात हिंग, हळद, कांदा घालून परतावा. कांदा गुलाबीसर झाल्यावर टोमॅटो व आलं-लसूण पेस्ट घालून परतत राहावे. कडेने तेल सुटू लागले की तिखट, गरम मसाला घालावा. थोडे परतून त्यात कणसांचा किस घालून नीट ढवळून झाकण ठेवावे व दणदणीत वाफ आणावी. ४-५ मिनिटांनी झाकण काढून १-२ पाण्याचे हबके मारावेत व पून्हा झाकण ठेवून १ वाफ आणावी. आता पनीर घालावे व थोडे परतून उतरवावे. वाढताना कोथिंबीर पेरावी. गरम गरम फुलक्यांबरोबर मस्त लागतो हा पनीर-कॉर्न खिमा.