आंबट-गोड नाती
.

चिंचेचा आकडा गं..
शेपटावाणी वाकडा गं..
चिंचेचा आकडा.. वाकडा गं..

पेरा-पेरात गाठी गं..
चिंचोक्या बाटी गं..
पेरा-पेरात गाठी.. बाटी गं..

आकड्याची गोडी गं..
पोरं यडी-खुळी गं..
आकड्याची गोडी.. खुळी गं..

जिभेला हुळहूळ गं..
खाताना कळ गं..
जिभेला हुळहूळ.. कळ गं..

चिंच आंबट-गोड गं..
भली-बुरी चव गं..
चिंच आंबट-गोड.. चवीला गं..

चिंचेचा आकडा.. वाकडा गं..
पेरा-पेरात गाठी.. बाटी गं..
चिंचजशी आंबट-गोड नाती गं..

=====================
स्वाती फडणीस............. ०५-०८-२००८