इंद्रधनूच्या पार दूर-
उंच उंच आभाळी
आहे एक धरा सुंदरा-
ऐकिली जी मी बालपणी॥
इंद्रधनूच्या पार दूर-
नभरंग नितळ निळा
खरंच साकारतो तिथे-
साहसाचा स्वप्नसोहळा॥
इंद्रधनूच्या पार दूर-
एक चकाकत तारा
नीज संपता मी पाहे मजला-
तिथे निर्भये बागडताना॥
मेघपसारा घन दाटोळा
दूर दूर मागे दिसला
कल्पधरा कुरवाळी मजला-
आपत्ती अवघ्या विरघळल्या॥
इंद्रधनूच्या पार दूर-
पांखी विहरे शांत निळा
मग कां, कां नाही मजला-
शक्य स्वच्छंद विहार तिथला॥