मी रात्रीचं एक पाहून ठेवलंय-
-ती होता होता बायाको ओरडते
-मध्यरात्री कुत्री ओरडते
-पहाटे पहाटे कोकिळा ओरडते
-आणि उजाडता उजाडता दूधवाला ओरडतो...
मी रात्रीचं एक पाहून ठेवलंय-
-ती होता होता कविता आठवते
-मध्यरात्री प्रियसी आठवते
-पहाटे पहाटे अंथरुण ओली करणारी धाकटी आठवते
-आणि उजाडता उजाडता काल विसरलेली औषधाची गोळी आठवते...
संदिप खरे.....
मी रात्रीचं एक पाहून ठेवलंय-
-ती होता होता मद्यात असते
-मध्यरात्री गद्यात असते
-पहाटे पहाटे पद्यात असते
-आणि उजाडता उजाडता पुन्हा एकदा 'सध्यात' असते...
मी रात्रीचं एक पाहून ठेवलंय-
-ती होता होता कळी असते
-मध्यरात्री फुलण्याची इच्छा असते
-पहाटे पहाटे कळीचं फूल असते
-आणि उजाडता उजाडता फक्त निर्माल्य असते...
