कधी वाटतं...
आपण दोघंच आसावं नि
अगदी कुणीही नसावं...
प्रत्येक शब्दातून तुझ्या
मला माझं विश्व दिसावं

रोज असतेस समोर तरीपण
एकटीच नाही कधीही
रोज दिसतेस समोर तरीपण
एक हृदय नाही कधीही

जातील एक एक दिवस
मग रात्रींनाही घाई
हरवून जातील क्षणही
राहून न जाईल काही

आहे मला ही जाणीव
म्हणूनच उदास मन हे होई
अन सावरण्यास त्याला
बघ ना इथे कोणीही नाही

म्हणूनच कधी वाटतं
आपण दोघंच आसावं नि
अगदी कोणीही नसावं
प्रत्येक शब्दातून तुझ्या मग...
मला जीवन दिसावं