**********************************************
**********************************************
तुला हवेत उडायला आवडत
हे न कळण्याइतका
मी अपूर्ण कधीच नव्हतो
फक्त असल्या सचैल आकांक्षांपेक्षा
मला सदैव जमिनीवर घट्ट चालण्याचच
जास्त अन रास्त कौतुक वाटत आलय....
पण तरीही.. कसेही करून
तुझे नाद जपणारच होतो मी
पतंग उडवण्याऱ्याच बेभान होणं पाहिलयस न...
अगदी तस्साच मीही तयार होतो
पण हे सगळं माहीत असूनही जेव्हां तू
एका नव्या नभाच्या स्वप्नाने हुरळून
अचानक भरारी मारलीस......
तेंव्हाच मी माझं
अधांतरी जगणं कायमच बंद केल ...!!!!
********************************************
********************************************
