सर्वप्रथम मंद आंचेवर साखरेचा ती भिजेल इतपत पाणी घालून एकतारी पाक तयार करून घ्यावा. पाक झाल्यावर त्यात केशर काड्या व लवंगा घालाव्यात. त्यात लिंबाचा रस घालून गॅस बंद करावा. वरून सजवायला आवडत असल्यास काजू - बदाम काप घालावेत. गार होऊ द्यावा. सुधारस तयार!
माझी आजी हा सुधारस फार सुंदर करायची. पोळी, ब्रेड बरोबर गोडाचे तोंडीलावणे म्हणून छान लागतो. किमान आठ - दहा दिवस तरी टिकतो. फ्रीजमध्ये जास्तच! अतिशय साधा, करायला सोपा व रुचकर पदार्थ! ह्यात तुम्ही इतर फळांच्या फोडीही घालू शकता. ह्या फोडी शिजवून घ्याव्यात व सुधारस होत आला की त्यात घालाव्यात. सफरचंद, पीच, अननस अशी फळे वापरून तुम्ही ह्या सुधारसाची लज्जत अजून वाढवू शकता. मात्र फळे घातल्यास तो फार दिवस ठेवू नये. (तसा तो फार दिवस टिकतही नाही म्हणा! गट्टं स्वाहा होतो!! )
आजी
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.