एक पेटती मशाल
दोन वीर, दोन बैल
तीन तारका नभात
चार पैंजणे श्रमून चालली
चालली श्रमून चार पैंजणे
दोन नार त्या नरांस भेटणे
एकजीव गाठ आणि जानवे
जातपात धर्मही न आठवे
चोळी भिजून पोचल्या घरी घामात न्हालेल्या
कोणी घरात घेतल्या नार दारात आलेल्या
गर्भपात वैद्य सुचवितो जसा
पापणीत थेंब दाटतो तसा
कोण तो मला न माहिती म्हणे
मात्र त्यास बाप आज मी गणे
एक तान्हुले उंबरा चाट चाट चाटणारे
आपले असुनी मला परकेच वाटणारे
तीन तारका नभात
चार पैंजणे
