रात्री २५ लिंबे स्वच्छ धूवून पुसून कोरडी करून ठेवावीत. सकाळी प्रत्येक लिंबाच्या आठ फोडी कराव्यात. काळजीपूर्वक सर्व बिया काढून टाकाव्यात. त्यानंतर फोडी एका स्टीलच्या डब्यात ठेवाव्यात. कुकरमध्ये खाली भरपूर पाणी घालून त्यात हा डबा ठेवावा. कुकरच्या २१ शिट्या कराव्यात. पूर्ण गार झाल्यावर त्यात एक वाटी मीठ व एक किलो साखर मिसळावी. उत्तम मुरलेले उपवासाचे गोड लोणचे खायला तयार. उपवासाव्यतिरिक्त हवे असल्यास एक पाकिट लिंबू लोणचे मसाला पाकिट घातल्यास आणखी चविष्ट लागते.
लोणचे मुरून खायला तयार होण्याचा कालावधी यात वाचतो. तूप मेतकूट भात, उपमा, शिरा याबरोबर मस्त.
सौ. काकू
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.