त्याने होय म्हणताच 
सर्वांगी हर्ष दाटला
थांब क्षणभर मना
जरा सावरू दे मला

स्वप्नातील स्वप्न असे
दिसे आज जागृतीला
जणू एक मोरपीस
स्पर्शले रे  हृदयाला 

आज साऱ्या तपस्येचे
पुण्य आले रे फळाला
याहून अधिक काही..
नाही नि नकोच मला 

त्याचा हरेक शब्द मी
हृदयामध्ये झेलला
देहातील कण कण
आज वादळ जाहला

हे खगांनो हे फुलांनो
सांगा हे साऱ्या जगाला
प्रकाश अन वाऱ्यानो
पसरा दाही दिशाला

विश्व पुरेना आनंदा
काय करु हृदयाला 
त्याने स्वीकारले मला
अर्थ जीवनाला आला

विक्रांत प्रभाकर
दुवा क्र. १