बहुतेक 'तज्ञ' याचे उत्तर 'पोर्तुगीजांनी आणली' असे देतात.
हे उत्तर मान्य करायचे झाले तर अजून एक गोष्ट मान्य करावी लागेल - कालयंत्राचा शोध.
पोर्तुगीज भारतात आले १४९७ साली - केरळमध्ये. तेव्हा त्यांनी जर प्रथम मिरची भारतात आणली असेल तर त्यांनी अजून एक गोष्ट केली. कालयंत्रात बसून दोनशेहून अधिक वर्षे मागे आणि हजारेक किलोमीटर ईशान्य-उत्तर दिशेला जाऊन तिथल्या माळ्यांना मिरची दिली.
कारण १२९५ साली निधन पावलेल्या सावता माळ्यांनी खालील ओळी लिहून ठेवल्या आहेत.
कांदा मुळा भाजी ।
अवघी विठाबाई माझी ॥ १ ॥
लसूण मिरची कोथिंबिरी ।
अवघा झाला माझा हरी ॥ २ ॥
मोट नाडा विहीर दोरी ।
अवघी व्यापिली पंढरी ॥ ३ ॥
सावता म्हणे केला मळा ।
विठ्ठल पायीं गोंविला गळा ॥ ४ ॥
