उकडलेले बटाटे सोलून बारीक चिरून घ्यावेत.

हिरवी मिरची बारीक चिरून घ्यावी.

चिरलेले बटाटे नि मिरची एकत्र करून त्यात मीठ घालून नीट एकत्र करावे. मीठ घालताना हे मिश्रण आणि चार अंडी यांच्यासाठी मिळून अंदाज घ्यावा.

अंडी फोडून या मिश्रणात घालावीत आणि नीट एकत्र करावे. हे मिश्रण अजिबात प्रवाही नसेल, त्यामुळे फेटता येणार नाही. काट्याने हलवून एकत्र करावे.

पॅनमध्ये तेल कडकडीत तापवावे.

धुरावल्यावर त्यावर हे मिश्रण घालावे नि शक्य तितके पसरवून घ्यावे.

ज्योत मोठीच ठेवावी. पॅन मधून अधून हलवावा आणि ऑम्लेट पॅनला चिकटणार नाही हे पहावे.

तीनचार मिनिटांनी बटाटे खरपूस परतल्याचा वास आल्यावर ज्योत बारीक करावी.

तीनचार मिनिटांनी अलवार हाताने ऑम्लेट अख्खे उलटावे.

ज्योत मोठी करून दोन मिनिटे ठेवावे.

ज्योत बंद करून ताटलीत काढावे. वरून मिरपूड नि ओरेगॅनो (पीटरडोनट्स वा पिझ्झा हट वा डॉमिनोज मध्ये मिळते त्यातला एक सॅशे) भुरभुरावे.

यात मुख्य चव ओरेगॅनोची आहे. त्यामुळे ओरेगॅनो नसल्यास आपल्या जबाबदारीवर करावे.