पनीर धुऊन घ्यावे. त्याचे अर्धा सेंमी लांबी-रुंदी-उंचीचे तुकडे करावेत.

मश्रूम्स स्वच्छ धुऊन घ्यावेत आणि चिरून मोठे तुकडे (दीड-दोन सेंमी ) करावेत.

नॉनस्टिक पॅनमध्ये तेल घालून मंद आचेवर गरम करावे. तेल धुरावायला आले की त्यात अमूल बटर घालावे. बटर वितळून लगेच धुरावेल. त्यात जिरे आणि मिरच्या घालून ज्योत मध्यम करावी. जिरे रंग बदलायला लागले की पनीरचे तुकडे घालून ज्योत बारीक करावी आणि अलगद परतावे. दोन मिनिटांनी गरम मसाला घालून अलगद हलवावे. पनीरचे तुकडे तुटायला नकोत. पनीरपुरते मीठ घालावे. ज्योत मध्यम करून पनीरचे तुकडे हलवत थोडे कुरकुरीत करावेत.

मश्रूम्सचे तुकडे घालून हळू हाताने हलवावे. मश्रूम्सपुरते मीठ घालावे. मश्रूम्सला पाणी सुटू लागले की ज्योत बारीक करावी.

मश्रूम्सचे पाणी आळेस्तोवर मधून मधून अलगद हलवत रहावे.

पाणी आळल्यावर ज्योत बंद करावी. वरून बारीक चिरलेली कोथिंबीर घालावी.