पालक धुऊन देठे तोडून वाफवून घ्यावा. थंडावल्यावर मिक्सरमधून काढून घ्यावा.

मूगडाळ शिजवून घ्यावी.थंडावल्यावर मिक्सरमधून काढून घ्यावी.

लसूण पाकळ्या आणि हिरव्या मिरच्या उभ्या चिरून घ्याव्यात.

कढईत तेल तापवावे. धुरावल्यावर ज्योत बारीक करून मोहरी, जिरे, हिंग, हळद घालावी. मग उभ्या चिरलेल्या लसूण पाकळ्या आणि मिरच्या घालून त्या कुरकुरीत होईस्तोवर तळाव्यात.

त्यावर पालक पेस्ट, काळा मसाला नि मीठ घालून सारखे करावे.

पाचेक मिनिटांनी त्यात डाळ घालून गरजेप्रमाणे पाणी घालून मंद आचेवर उकळायला लावावे.

सर्व नीट एकजीव झाले की ज्योत बंद करावी.