प्रत्येक दिवसाच मागणं

ह्या दिवसासारखं असावं

मी तुला, तू मला

असंच दररोज भेटावं . . . .

तुझ्या स्पशात अनुभवतो मी

आनंदाबरोबर साथीचा ओलावा

नयन -रम्य पावसाचा थेंब जसा

अलगद ओंजळीत झेलावा . . . .

तुझे डोळे खुणावतात

मी जातांना पाणावतात

नंतर ते जाणवतात

एखाद्या निरागस पक्षासारखे . . . .

नको जाउस रे .. ! म्हणत

केविलवाण्या नजरेत

भरलेला अथांग भाव

नयनी तुझ्या बुडालेला

माझ्या स्वप्नांचा गाव . . . .

 

गहिवरतो मी ...

भावना माझ्या मग नकळत

स्वाभिमानाचे वस्त्र ओढतात

पुढिल भेटिच्या क्षणांना त्या

विश्वासाने जोडतात . . . .