मला तुझी क्षमा मागितलीच पाहिजे.

कशाबद्दल ?

संभ्रम वाढतोय पण उकललेच पाहिजे 

कशाबद्दल ?

कधी वाटतं, मी तुझ्याकडून अपेक्ष ठेवतो

त्याबद्दल ; पण त्यात वावगं तरी काय ?

 कधी वाटतं, मी तुझ्यावर खूप चिडतो

त्याबद्दल ; पण अपेक्षाभंगानंतर दुसरं काय ?

कधी वाटतं, मी चिड्ल्यावर आकांड्तांडव करतो

त्याबद्दल ; पण त्याशिवाय हाती दुसरं आहे काय ?

कधी वाटतं, तुझी फ़रफ़ट -कारणीभूत मी ठरतो

त्याबद्दल ; एकदा सहजीवन पत्करल्यावर दुसरं काय ?

कधी वाटतं,मी खूप स्वार्थबुद्धीने वागतो

त्याबद्दल ; साधू संत नाही ना मग दुसरं काय ?

कधी वाटतं, कुणाचा तरी राग तुझ्यावर काढतो

त्याबद्दल ; राग हे अनुरागाचंच रुप ना मग दुसरं काय ?

अन्तिम्तः  जेव्हा विवेक जागा व तीव्र होतो

तेव्हा मन शांत होतं नि कशाबद्दलचा कोलाहल

निवतो आणी एकच भावना तीव्रतेने बजावते

मला तुझी क्षमा मागितलीच पाहिजे.