६ संत्र्यांची सालं (आतील दोरे काढून) बारीक चौकोनी तुकडे केलेले
कुठलाही लोणचे मसाला
१/४ वाटी मीठ
१ वाटी मोहनाची फोडणी
१० लिंबांचा रस
१५ मिनिटे
२० जणांना
संत्र्याच्या सालींचे बारीक चौकोनी तुकडे करून, त्याला मसाला, मीठ लावून/चोळून ठेवणे - साधारण १/२ तास.
त्यात लिंबाचा रस पिळून, मोहनाची फोडणी करून, परत कालवून ठेवणे.
त्या नंतर कधीही वाढायला घ्यावे. बाटलीत भरून, शीतकपाटात ठेवणे.
लोणचं प्रकार आवडत असेल तर कशा बरोबर ही छान लागतं. लिंबाच्या लोणच्याच्या जवळची चव, पण तरीही संत्र्याचा वेगळा स्वाद आणि रंग येतो. शिवाय सालं फुकटही जात नाहीत. मी करून पाहिलं आहे. आणि वेळोवेळी पाहुण्यांच्या पसंतीस उतरलं आहे. पहिली दोन मिनिटं "कशाचं लोणचं आहे, ओळखा पाहू?" हा खेळही खेळता येतो :) !
- चिमण
"सुग्रणीचा सल्ला"
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.