८ पिकलेली पण कडक,हिरव्या सालीची केळी,ओले खोबरे १/२ वाटी
मूठभर कोथिंबीर,धने पावडर २ टेपून,१ चहाचा चमचा काळा मसाला,
डाळीचे पीठ २ टे स्पून,तिखट,मीठ,साखर चवीनुसार,फोडणीचे सामान,तेल २टे स्पून
३० मिनिटे
२,३ जणांना
केळी धुवून डेख काढून सालासकट ४ मोठे तुकडे करा,तेल गरम करा,फोडणी करा, त्यात हे केळ्यांचे तुकडे घाला व हलक्या हाताने परता,धने पावडर,काळा मसाला,खोबरे व डाळीचे पीठ,तिखट,मीठ,साखर घालून परता आणि झाकण ठेवून शिजू द्या.कोथिंबीर घाला. ही भाजी गोडसर असते. खाताना साल काढून टाका,पोळी/फुलक्यांबरोबर खा.
गीताभाभी या गुर्जर काकूंनी गणपतीत खूप प्रसादाची केळी येतात त्याचं काय करायचं? यावर हा तोडगा काढला, ही भाजी फारच छान लागते. वेलची केळी, किवा पिवळ्या सालीची मोठी (स्पॅनिश)केळी यांची ही भाजी चांगली लागत नाही,त्याला हिरव्या सालीची गाडीवर मिळतात ती १५ की २० रु डझनवालीच केळी हवीत..(नक्की भाव माहित नाही.)
गीता भाभी
निरंतर ऊर्ध्वश्रेणीकरण
पायाभूत सुविधांमध्ये सातत्याने होत असलेली दैनंदिन प्रगती पाहून यापुढे मनोगतासाठी निरंतर ऊर्ध्वश्रेणीकरणाचा अंगीकार करणे उचित दिसत आहे. त्याप्रमाणे आवश्यक ते बदल व्यवस्थेत केले जात आहेत. manogat.prashaasak@gmail.com ह्या पत्त्यावर आपल्या अडचणी व/वा सुचवणी विपत्राने कळवता येतील.