आमची प्रेरणा पुलस्ति यांची सुंदर गझल  प्रवास

झोप येत मज झकास आहे
उभी बायको छळास आहे!

मी ही बघतो स्वप्न नव्याने
पोर गोमटी गळास आहे

ही कुणाची रे पुण्याई
हा कसला रे सुवास आहे?

लाल सुराई कशी संपली
हिशोब याचा कुणास आहे?

धापा टाकत काय चालतो
श्रेय विडीच्या धुरास आहे

जुनी जाहली नार-लाजरी
अता मागणी नरास आहे

काल तिच्या मी कुशीत होतो
आज तिच्या खेटरास आहे...

कोण उचलतो, कोण जाळतो
किती काळजी शवास आहे

किती सांगतो नको लिहू तू
लाज कुठे "केशवा"स आहे?