एका राजाची गोष्ट

ते येणार म्हणून ती डोळ्यात तेल घालून त्यांची वाट पाहत होती. तिच्यासारखे हजारो कदाचित लाखोही असेच त्यांची वाट पाहतं उभे होते.ते त्यांच्यावर फुलांची बरसतं करण्यासाठी, त्यांच्या नावाचा जयघोष करण्यासाठी तर काही आनंदाने नाचण्यासाठी। कुणी त्यांना व्यासपीठावर घेऊन जाण्यासाठी उत्सुक होते. तर कुणी त्यांच्यासोबत आपण फोटोत कसे येऊ यासाठी तयार होते. पत्रकार ही आपली डायरी घेऊन तयार होते.
तसे तिला याचे काही नवीन वाटत नव्हते, काही गोष्टी तिच्या 75 वर्षाच्या नजरेत जशाच्यातश्या बसलेल्या.. काही व्यक्ती बदलल्या.. काही कपडे.., तर काही टोप्या.. छोट्याशा टेकडीवरची तिची झोपडी आजही तशीच होती. तिच्या कुशीत तिची पणतवंड वाट पाहतं होती रात्री आई-बाप काहीतरी खायला आणेल चार मडकी पाणी पिऊन संपलेली.. चुलीत विझलेली लाकडे चूल फक्त पाणी तापविण्यासाठी.
आपल्या पणतवंडाना समजावत ती म्हणाली 'आता बघ इमान येईल त्यातून राजा उतरेल. आपल्याला काहीतरी खायला देईल... तुला कपडा, बाबाला नोकरी ।
तिचे शब्द ओठातच राहिले आकाशात हेलीकाप्टर भिरभिरू लागले. त्यांच्या नावाचा जयजयकार झाला पणतवंडाना घेऊन ती बाहेर आली. 'ते बघा इमान रजा आला मूल हेलिकोँपटरकडे बघून उड्या मारू लागली. ते उतरले लाखो फुले टंच अंगावर उधळली गेली.. जयजयकारात ते स्टेजकडे निघाले तिथे ते नेहमीची भाषणे देणार होते. मैदानावरची डोळ्यात गेलेली धूळ तिने झटकली. डोळ्यातून तसं पाणीच आलं. थोड्या वेळेन मुलं पुन्हा रडू लागली. भूक... भूक करू लागली. ती अस्वस्थ झाली दूरवर राजाचे भाषण तिच्या कानावर येत होते पोरांचा बाप दारू पिऊन ढकलत येत होता. आई काहीतरी घेऊन आली पोर तिच्याकडे धावली. तिच्या हातातले ओढून पटापट खायला सुरवात केली. पोरांना खाताना बघून आई सुखावली. भाषण संपल्यावर राजा परतला पोर यावेळी धावली नाहीत. म्हातारीही झोपडीच बाहेर आली नाही.

राजा बदलला... झोपडी तीच होती. साठ वर्षानंतरही कुठलाच राजा तिच्या झोपडीकडे वळला नाही. कधितरी खूप वर्षापूर्वी तिच्या बालपणी एक राजा तिच्या झोपडीत आला होता उघडा.......फक्त पंचा नसलेला.....हातात काठी घेऊन..... तिच्या सारख्या असंख्य माता भगिनीनं तो भेटला होता त्यांची सुखदू; ख जाणून गेला होता त्यावेळी त्याच्या विमानाची धूळ तिच्या डोळ्यात गेली नाही कारण तो चालत आला होता अनवाणी.... आज म्हातारी तीच होती बदलला होता फक्त राजा.बदललेला राजा उघडा नव्हता.त्याच्या अंगावर होती खादी आणि हातात होता महागडा मोबाईल....

तो राजा सत्यासाठी झगडत होता, हां राजा सत्तेसाठी झगडत आहे.

...............................................................