रुंजी घालती तुझ्या सयी रे, माझ्या ह्या हृदयी
कसे आवरु, हृदय पाखरु, सांग मला काही

तो जर असता आज इथे तर
तो जर नसता आज तिथे तर
जर तरच्या द्वंद्वात अडकले, खिन्न दिशा दाही
कसे आवरु, हृदय पाखरु, सांग मला काही

मन लागेना कशात माझे
सूर तयाचा कानी वाजे
देहभान रे हरपूनी आता वाट तुझी पाही
कसे आवरु, हृदय पाखरु, सांग मला काही

धावत ये ना, मिठीत घे ना
तोडीत ये ना, वृथा बंधना
माझी नव्हते कधीच मी रे, फक्त तुझी राही
कसे आवरु, हृदय पाखरु, सांग मला काही

जयश्री