मी एक छत्री
अल्पशी आपली मैत्री
चार महिने तुझ्या मुठित
नंतर पलंगाच्या पेटीत
नेहमीच मी मुठीत
एकदा तरी घेतलसं का रे मिठीत
नशिबी नाही माझ्या, तुझी गोड मैत्री
नाते हे मैत्रीचे, मैत्री ही कोरडी
झेलते मी जलधारा, या काळजावरी
आज काळीज फाटंल, जोराच्या सरीपरी
कोरडी ती मैत्री, आज झाली ओलीचिंब
तुटले हे नाते, कारण झाले मी अपंग
तुला काय मिळेल, मैत्री नवीन शंभरात
टाकशील मला माळ्यावर, नाहीतर पडेन कचऱ्यात
पडली जर माळ्यावर , तर कुरडतील उंदीर
नको होऊ देऊ, हा देह छिन्न छिन्न
त्या पेक्षा मला टाकरे जाळून
मी एक छत्री , मी एक छत्री
