सारे शपथेवरच खरे बोलतात - हे काही बरे नाही
जपून विश्वास ठेव जरा - शपथेचे काही खरे नाही....

क्षणोक्षणी होतात येथे हल्ली - हल्ले घड्याळांचे
आहे तोच तुझ मान - क्षणाचे काही खरे नाही...

मनाला चिकटलेत दुकानी शब्द - "कणकण में है भगवान"
त्यानेच केलीय साठेबाजी - कणाचे काही खरे नाही...

कोण म्हणते - "शब्दांची शस्त्रे - शब्दांची रत्ने"?
वाळवी खाते शिळी रद्दी - शब्दाचे काही खरे नाही...

बोटे जातात तोंडात हमखास - हिरव्या नोटा मोजताना
स्वतःलाच हसत असावा तो- महात्म्याचे काही खरे नाही...